منتدى نور الحق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى نور الحق

نور الهدايه كتاب الله وسنة رسوله صلى الله علبه مسلم
 
الرئيسيةالبوابةأحدث الصورالتسجيلدخول
تفسير القران فصص الانباء والرسل عظماء فى الاسلام اسلاميات

 

 الطفلة نهال كمال:

اذهب الى الأسفل 
كاتب الموضوعرسالة
نور الحق مدير المنتدى

نور الحق مدير المنتدى


عدد المساهمات : 878
نقاط : 2639
تاريخ التسجيل : 15/04/2012
الموقع : نور الحق

الطفلة نهال كمال: Empty
مُساهمةموضوع: الطفلة نهال كمال:   الطفلة نهال كمال: Icon_minitimeالجمعة يوليو 06, 2012 9:23 pm

الطفلة نهال كمال: Photo_10




الطفلة نهال كمال: زعلانة من الزحمة والدوشة ونفسى أبقى دكتورة لأن العيانين بيصعبوا علىّ

حوار ماهر حسن ٢٠/ ١١/ ٢٠٠٨
[ نهال]
نهال

عمرها أحد عشر عامًا، تقيم مع أسرتها فى شارع الدندراوى بحدائق المعادى، والدها يمتلك مكتب اتصالات بالشارع، وهو من مساتير الناس مثلنا، وألحق أبناءه جميعًا بالمدرسة أما هى - أعنى ضيفتنا الجميلة (نهال كمال) وهذا اسمها- ففى الصف السادس بمدرسة مصطفى كامل الابتدائية، ولأن والدها ينتمى لبلد الشاعر الكبير عبدالرحمن الأبنودى سألتها هل تعرفين لماذا سماك والدك نهال؟!..

ردت على الفور وببراءة طفولية.. أيوه يا عمو أعرف طبعًا، لأن بابا بيحب عمو عبدالرحمن، ولأن بابا اسمه كمال فاسمانى نهال عشان يكون اسمى على اسم طنط نهال مراة عمو عبدالرحمن» ثم واصلت براءتها وهى تشير لكتيب صغير فى يدى عليه صورة المطرب الراحل محمد فوزى وقالت «أنا عارفه عمو ده» فسألتها ومن يكون؟ ردت على الفور: دا عمو محمد فوزى اللى غنى «ذهب الليل طلع الفجر والعصفور صوصو» وهو اللى غنى «ماما زمانها جاية» وكان بيطلع فى أفلام مع ليلى مراد وفاتن حمامة..

أما نهال كمال عبدالراضى محمد وهذا اسمها كاملاً فقد وافقت على إجراء حوار سريع، وبمجرد أن فتحت آلة التسجيل وأخرجت الكاميرا لأصورها دخلت فى حالة هيبة وكأنها ستظهر أمام عدسات التليفزيون، وبفطرية المصريين عمومًا كان أمامها خياران إما أن ترد على الأسئلة باقتضاب أو ترد عليها بحذر وبشىء من التجمل والحياء والمجاملة التى لا توقعها فى المحظور..

ولتبسيط الأمر لها قلت لها إننا نلعب لعبة الصحفى والضيف والموضوع ممكن أن يُنشر أو لا.. وعلينا أن نتحدث كأصدقاء أو كطفلة لطفل كبير - فأمكننى اقتناص مساحة ما من الحرية والتحرر والإبقاء على تلقائية الحالة وبدأنا الحوار:

■ ما المادة التى تحبينها من مواد الدراسة؟

- الإنجليزى.

■ وما المادة التى لا تحبينها كثيرًا؟

- الحساب ومستواى متوسط فيه.

■ هل لأنه صعب؟

- لا.. لأنى مش بافهم الشرح بتاع الحساب.

■ ولماذا تحبين الإنجليزى تحديدًا؟

- لأن أستاذ الإنجليزى طيب وبيشرح كويس.

■ قولى لى يا نهال.. هل الأساتذة فى المدرسة يضربون التلاميذ؟

- لا.. هم بيضربوا اللى مش بيعمل الواجب.

■ مين من المدرسين مش بتحبيهم؟

- اللى بيضربوا جامد.

■ ومين أكتر مدرس بيضرب عندكو؟

- مدرس العربى.

■ نفسك تتطلعى إيه يا نهال؟

- نفسى أطلع دكتورة.

■ ليه؟

- عشان الناس العيانين بيصعبوا علىّ خالص وأنا بازعل جدًا لما ألاقى بابا عيان أو ماما عيانة، والناس العيانين دول عندهم عيال أكيد بيزعلوا عشانهم.

■ بتحبى إيه فى التليفزيون؟

- المسلسلات.

■ إيه آخر مسلسل شوفتيه وحبتيه؟

- قصة الأمس.

■ اشمعنى ده.. ما كان فيه ستين مسلسل فى رمضان اللى فات مثلاً؟

- أصل المسلسل ده كان فيه ممثلين حلوين قوى.. وكمان قصته حلوة لأن الراجل رجع فى الآخر لعياله ومراته.

■ ما بتشوفيش أفلام كارتون؟

- يعنى إيه كارتون!

■ رسوم متحركة يعنى.

- آه.. بحب طرزان وتوم وجيرى.

■ وإيه الحاجات المصرية اللى حبتيها؟

- بكار طبعًا.

■ اشمعنى؟

- لأنه بيقدم حكاية جديدة وجميلة كل يوم بتنصحنا، والمزيكا والأغنية بتاعته حلوة، وكمان بكار صعيدى زينا.

■ تعرفى يا نهال أدب الأطفال؟

- آه طبعًا.. يعنى الأطفال يبقوا مؤدبين وعندهم أخلاق وبيسمعوا كلام بابا وماما، وما يقولوش ولا يعملوش حاجات وحشة.

■ لأ يا نهال مش قصدى الأدب ده أنا أقصد إنتى قريتى قصص ومجلات للأطفال؟

- أنا قريت قصة اسمها أعماق البحار لكن ما عرفش قصص كتير ولا قريت مجلات أطفال.

■ تعرفى حد من اللى بيكتبوا قصص للأطفال؟

- أيوه نجيب محفوظ.

■ الفصل بتاعك فى المدرسة جميل ولا لأ؟

- جميل بس مش قوى.. وهو زحمة.

■ إنتى بتعملى نشاط فى المدرسة غير الدروس؟

- أيوه إحنا عندنا حصتين رسم فى الأسبوع وفيه حصص ألعاب كمان.

■ إيه اللى عاجبك فى مصر؟

- نيلها.. وشوارعها الجميلة بس.

■ وإيه اللى مش عاجبك؟

- شوارعها الوحشة والزحمة والدوشة والعربيات الكتير.

■ بتحبى مصر؟

- آه طبعًا وماما وبابا وإخواتى.

■ بتحبى فى التليفزيون المسلسلات بس؟

- لا بشوف برامج تانية حلوة ومش بحب الأفلام الأجنبية اللى فيها رعب وقتل وقلة أدب.

■ بتحبى مين من المطربين؟

- راغب علامة وأصالة ومريام فارس ووليد توفيق وهانى شاكر وعلى الحجار وأنغام.

■ إيه رأيك فى مصر دلوقتى؟

- أنا زعلانة لأن الحاجات بقت غالية خالص.

الرجوع الى أعلى الصفحة اذهب الى الأسفل
https://kamal.forummaroc.net
 
الطفلة نهال كمال:
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نور الحق :: الثقافه العامه-
انتقل الى: